Kene Mblung, karo mangan telo
goreng, nyruput kopi trus nggedabrus… ning parikeno..
Hehe... cocok Kang… Sing dibahas
bab opo...? Ojo sing gawe kontroversi lo yo...
Ora Mblung... iki bab sederhana
ning penuh makna... Ilmune wong ngarit.
Wuik... la opo istimewane wong
ngarit Kang kok sampek dadi inspirasi. Ngarit kui rak mung nggolekke pakan
sapi, wedhus apa kelinci to Kang..
Bener Mblung... ning kui yo ana
ilmune. Ngeritne pakan sapi bedo karo ngeritke pakan wedhus po kelinci. Ngeritke
sapi potong yo rapodho karo sapi perah. Ngeritke wedhus yo bedo karo wedhus
gibas.
Ngono yo kang...
La iyo Mblung... ngarit rambanan
karo ngarit suket alate yo wis bedo. Ngarit suket gajah karo suket grinting
alate yo bedo… kui yen pengin hasile maksimal.
Biiih… tibane masiyo mung ngarit
ilmune yo akeh to. Ngono kok ana sing ngremehne, ngenyek tukang ngarit kui ra
berpendidikan..
Yo ngono kui lo Mblung kamongko
akeh kang gelare akademik nritip trus nggo kebanggaan dong”e karo tukang ngarit
wae kalah cerdas. Mergo kecerdasan kui asale soko Gusti. Kadhang ana sing
cerdas… duwe kesempatan sekolah mergo mampu ragate, ning ana sing cerdas tapi
ora mampu sekolah mergo ra ana ragat... ning kecerdasan kui ora ilang.
Layak to Kang, konco” kae yo
seneng diarani tukang ngarit...
Yo rapopo Mblung wong diarani ae.
Damarwulan kae... penggaweyane ngarit... ning iso dadi ratu. La sliramu ngarit
yo rapopo... wong sapimu 1000. Ngarit opo pejabat kui mung penggaweyan
Mblung... sing penting kui AKHLAK lan SUBASITA..
Profesi oleh tukang ngarit ning
akhlak dadi panutan mayarakat... ojo profesi pejabat akhlak bangsat..
Hehe... bener kang…. Ayo telone
pumpung anget
No comments:
Post a Comment